I Speak Khmer

មានរឿងប្រឌិតមួយបាននិយាយថា នៅក្នុងនគរស្ថានសួគ៌ មានការតម្រូវឲ្យគ្រូគង្វាលទាំង​អស់ ដែល​បម្រុងខ្លួនចូលទៅនគរស្ថានសួគ៌តម្រង់ជាពីរជួរ​ មុនពេលដែលចូលទៅក្នុងស្ថាន​សួគ៌ ។ ជួរខាងស្ដាំមាន​ផ្លាកសរសេរថា “ខ្លាចប្រពន្ធ” ហើយ​ជួរខាងឆ្វេងមានផ្លាកសរសេរថា “មិនខ្លាចប្រពន្ធ” ។

ដូច្នេះនៅពេលនោះ ជួរខាងស្ដាំដែលមានផ្លាកសរសេរថា “ខ្លាចប្រពន្ធ” មានគ្រូគង្វាលជា​ច្រើនឈរតជាជួរ ចំណែកឯជួរខាងឆ្វេងមានផ្លាកសរសេរថា “មិនខ្លាចប្រពន្ធ” វិញ មាន​គ្រូគង្វាលតែម្នាក់បុ៉ណ្ណោះ ។ ដូច្នេះព្រះយេសូ៊វក៏សួរទៅគ្រូគង្វាលឈរម្នាក់នោះថា “ដូច្នេះ​មានតែឯងម្នាក់ប៉ុណ្ណោះឬដែលឥតខ្លាច​ប្រពន្ធ?” គាត់ក៏ឆ្លើយទៅព្រះអង្គវិញថា “ព្រះករុ​ណាថ្លៃវិសេស ទូលបង្គំឥតខ្លាចប្រពន្ធទូលបង្គំទេ  តែប្រពន្ធទូលបង្គំប្រើទូលបង្គំឲ្យមក​ឈរខាងជួរនេះ” ។

លោកអ្នកវិភាគចុះរឿងនេះ ខ្លាចប្រពន្ធមិនខ្លាច?

ដោយ ម៉ានិកឹម រ៉ាដា

មានរឿងមួយនៅសហរដ្ឋយ៉ាងនេះថា មានមនុស្សម្នាក់លួចបិតស្រានៅក្នុងព្រៃ ប៉ូលីសបានឃ្លាំចាំចាប់អ្នក​បិតស្រានោះជាយូរថ្ងៃ ប៉ុន្តែចាប់មិនបានសោះ។ នៅថ្ងៃមួយពេលរសៀល ប៉ូលីសចាំនៅមាត់ព្រៃដោយ​ឃើញឡានរបស់អ្នកបិតស្រាចត។ ប៉ូលីសបានរង់ចាំអ្នកបិតស្រានោះចេញមក គាត់បានដាក់ស្រាគាត់ទៅ​លើឡានទ្រុងគាត់ រួចក៏បរចេញទៅលើផ្លូវសេរី។

ប៉ូលីលក៏ដេញតាមឡានអ្នកបិតស្រា នៅពេលដែលតាមទាន់ ប៉ូលីសក៏ហៅឡានបិតស្រាឲ្យឈប់ នៅ​ពេលដែលនោះឈប់ហើយ ប៉ូលីសម្នាក់ក៏សួរថា “តើឯងដឹកអីហែរី?” ហែរីក៏ឆ្លើយទៅប៉ូលីសវិញថា “បាទ​ដឹកទឹក”។ ប៉ូលីសក៏តបថា “តើខ្ញុំអាចភ្លក់ទឹកឯងបានទេហែរី?” ហែរីក៏ឆ្លើយទៀតថា “បាន មានទៅទាស់​ខុសអីបើគ្រាន់តែភ្លក់ទឹក”។

នៅពេលដែលប៉ូលីសនោះភ្លក់ទឹកហើយ ប៉ូលីសដឹងថាជាស្រា គាត់ក៏និយាយទៅកាន់ហែរីថា “តើឯងមាន​អី​ទៀតត្រូវដោះសារទេហែរី?” ហែរីមិនឆ្លើយ បែរជាលត់ជង្គង់ចុះហើយស្រែកឡើងថា “ហាេលលូយ៉ា! ព្រះអង្គសម្ដែងការ​អស្ចារ្យម្ដងទៀតហើយ”។

លោកអ្នកចាំបានឬទេ លើកទីមួយព្រះយេស៊ូវ ទ្រង់បានធ្វើទឹកឲ្យទៅជាស្រានៅភូមិកាណា ហែរីបានកុហក​ប៉ូលីសថានេះជាលើកទីពីរហើយ ដែលព្រះយេស៊ូវធ្វើទឹកឲ្យទៅជាស្រា តែប៉ូលីសមិនល្ងង់ទេ គេក៏ចាប់គាត់​ដាក់ពន្ធនាគាទៅ។

ដោយ ម៉ានិកឹម រ៉ាដា